| ᠰᠠᠭᠤᠭᠠ ᠪᠠᠷ ᠢᠶᠠᠨ ᠦᠷᠭᠡᠯᠡᠬᠦ ᠪᠤᠯ ᠡᠩ ᠤᠨ ᠶᠠᠪᠤᠳᠠᠯ᠂ ᠳᠦᠷ ᠠᠮᠤᠰᠬᠢᠭᠡᠳ ᠠᠪᠬᠤ ᠰᠠᠶᠢᠨ ᠠᠷᠭᠠ ᠴᠤ | ᠪᠠᠶᠢᠵᠤ ᠮᠡᠳᠡᠨᠠ᠃ ᠭᠡᠪᠡᠴᠦ ᠨᠠᠰᠤᠳᠠᠢ ᠬᠦᠮᠦᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠠᠶᠤᠯᠳᠠᠢ ᠪᠠᠶᠢᠳᠠᠭ᠃ | ᠨᠠᠰᠤᠳᠠᠢ ᠬᠦᠮᠦᠨ ᠶᠠᠭᠠᠬᠢᠭᠠᠳ ᠠᠮᠠᠷᠬᠠᠨ ᠦᠷᠭᠡᠯᠡᠳᠡᠭ ᠪᠤᠢ | ᠬᠦᠮᠦᠨ ᠨᠠᠰᠤ ᠠᠬᠰᠢᠷᠠᠭᠰᠠᠭᠠᠷ ᠳᠤᠤᠷᠠ ᠳᠤᠷᠠᠬᠠᠨ ᠨᠦᠢᠷ ᠬᠦᠷᠬᠦ ᠪᠠᠶᠢᠳᠠᠯ ᠲᠠᠢ ᠪᠤᠯᠳᠠᠭ᠃ ᠡᠭᠦᠨ ᠳᠤ | ᠬᠤᠶᠠᠷ ᠵᠦᠢᠯ ᠤᠨ ᠰᠢᠯᠳᠠᠭᠠᠨ ᠪᠠᠶᠢᠳᠠᠭ᠄ | ᠹᠢᠽᠢᠤᠯᠤᠬᠢ ᠶᠢᠨ ᠳᠠᠯᠠ ᠠᠴᠠ ᠠᠪᠴᠤ ᠦᠵᠡᠪᠡᠯ᠂ ᠨᠠᠰᠤ ᠵᠢᠯ ᠤᠨ ᠨᠡᠮᠡᠭᠳᠡᠬᠦ ᠶᠢ ᠳᠠᠭᠠᠯᠳᠤᠨ ᠳᠠᠷᠢᠬᠢᠨ ᠤ | ᠡᠰ ᠠᠭᠠᠵᠢᠮ ᠢᠶᠠᠷ ᠬᠦᠭᠰᠢᠷᠡᠵᠦ᠂ ᠴᠦᠭᠡᠷᠡᠨ᠂ ᠦᠨᠳᠦᠰᠦᠨ ᠳᠡᠭᠡᠨ ᠳᠠᠬᠢᠨ ᠳᠦᠯᠵᠢᠬᠦ ᠪᠠᠨ ᠪᠤᠯᠢᠵᠤ᠂ ᠶᠡᠭᠡ | ᠳᠠᠷᠢᠬᠢ ᠠᠭᠠᠵᠢᠮ ᠢᠶᠠᠷ ᠮᠠᠭᠤᠳᠠᠵᠤ ᠠᠪᠴᠢᠨᠠ᠂ ᠳᠡᠭᠡᠭᠡᠳ ᠳᠠᠷᠢᠬᠢᠨ ᠮᠡᠳᠡᠷᠡᠯ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ | ᠬᠤᠯᠪᠤᠭᠠ ᠴᠦᠭᠡᠷᠡᠵᠦ ᠡᠬᠢᠯᠡᠨ᠂ ᠰᠡᠷᠡᠯ ᠮᠡᠳᠡᠷᠡᠯ ᠮᠠᠭᠤᠳᠠᠬᠤ᠂ ᠰᠡᠳᠭᠢᠬᠦᠢ ᠤᠳᠠᠭᠠᠨ ᠪᠤᠯᠬᠤ ᠵᠡᠷᠭᠡ ᠪᠠᠶᠢᠳᠠᠯ | ᠭᠠᠷᠳᠠᠭ᠃ ᠡᠭᠦᠨ ᠠᠴᠠ ᠪᠤᠯᠵᠤ ᠠᠮᠠᠷᠬᠠᠨ ᠦᠷᠭᠡᠯᠡᠨᠠ᠃ | ᠡᠪᠡᠳᠴᠢᠨ ᠡᠮᠬᠡᠭ ᠤᠨ ᠳᠠᠯᠠ ᠠᠴᠠ ᠠᠪᠴᠤ ᠦᠵᠡᠪᠡᠯ᠂ ᠵᠠᠷᠢᠮ ᠨᠠᠰᠤᠳᠠᠨ ᠤ ᠳᠠᠷᠢᠬᠢᠨ ᠤ ᠯᠤᠬᠰᠢᠭᠤᠨ | ᠰᠤᠳᠠᠯ ᠨᠢ ᠬᠠᠳᠠᠭᠤᠷᠠᠭᠰᠠᠨ ᠠᠴᠠ ᠪᠤᠯᠵᠤ ᠳᠠᠷᠢᠬᠢᠨ ᠤ ᠴᠢᠰᠦᠨ ᠤ ᠬᠠᠩᠭᠠᠯᠭᠠ ᠬᠦᠷᠦᠯᠴᠡᠭᠡ ᠮᠠᠭᠤᠳᠠᠢ | ᠪᠤᠯᠤᠭᠰᠠᠨ ᠠᠴᠠ ᠠᠮᠠᠷᠬᠠᠨ ᠦᠷᠭᠡᠯᠡᠬᠦ ᠪᠠᠶᠢᠳᠠᠯ ᠢᠯᠡᠷᠡᠳᠡᠭ᠃ | ᠰᠠᠭᠤᠭᠠ ᠪᠠᠷ ᠢᠶᠠᠨ ᠦᠷᠭᠡᠯᠡᠪᠡᠯ ᠰᠢᠷᠬᠠᠳᠤᠵᠤ ᠮᠡᠳᠡᠨᠠ | ᠬᠦᠵᠦᠭᠦᠦ ᠪᠠᠨ ᠭᠡᠮᠳᠦᠭᠡᠵᠦ ᠮᠡᠳᠡᠨᠠ᠄ ᠬᠦᠮᠦᠨ ᠰᠠᠭᠤᠭᠠ ᠪᠠᠷ ᠢᠶᠠᠨ ᠦᠷᠭᠡᠯᠡᠪᠡᠯ ᠳᠤᠯᠤᠭᠠᠢ ᠪᠠᠨ ᠨᠠᠭᠠᠰᠢ | ᠴᠠᠭᠠᠰᠢ ᠰᠠᠪᠠᠯᠠᠬᠤ ᠪᠠᠶᠢᠳᠠᠯ ᠭᠠᠷᠳᠠᠭ᠃ ᠨᠠᠰᠤᠳᠠᠶᠢᠴᠤᠳ ᠤᠨ ᠬᠦᠵᠦᠭᠦᠦ ᠨᠢ ᠵᠠᠯᠠᠭᠤ ᠬᠦᠮᠦᠨ ᠤ ᠬᠢ ᠰᠢᠭ ᠤᠶᠠᠨ | ᠬᠠᠳᠠᠨ ᠪᠢᠰᠢ ᠪᠤᠯᠤᠭᠰᠠᠨ ᠪᠤᠯᠬᠤ ᠪᠠᠷ ᠳᠤᠯᠤᠭᠠᠢ ᠪᠠᠨ ᠳᠤᠬᠢᠰᠬᠢᠭᠡᠳ ᠠᠪᠬᠤ ᠳᠤ ᠭᠦᠵᠦᠭᠦᠦ ᠪᠠᠨ ᠭᠡᠮᠳᠦᠭᠡᠴᠢᠭᠡᠵᠦ | ᠮᠡᠳᠡᠨᠠ᠃ | ᠤᠨᠠᠵᠤ ᠳᠤᠰᠬᠤ ᠠᠶᠤᠯ ᠲᠠᠢ᠄ ᠰᠠᠭᠤᠭᠠ ᠪᠠᠷ ᠢᠶᠠᠨ ᠤᠨᠳᠠᠭᠠᠳ ᠪᠤᠰᠬᠤ ᠳᠤ ᠪᠡᠶᠡ ᠶᠢᠨ ᠳᠡᠩᠴᠡᠭᠦᠷᠢ | ᠠᠮᠠᠷᠬᠠᠨ ᠠᠯᠳᠠᠬᠳᠠᠳᠠᠭ᠂ ᠳᠡᠶᠢᠮᠦ ᠠᠴᠠ ᠤᠨᠠᠵᠤ ᠳᠤᠰᠬᠤ ᠠᠶᠤᠯ ᠲᠠᠢ᠃ | ᠠᠮᠠᠷᠬᠠᠨ ᠬᠢᠮᠤᠷᠠᠳᠠᠭ᠄ ᠰᠠᠭᠤᠭᠠ ᠪᠠᠷ ᠦᠷᠭᠡᠯᠡᠨᠠ ᠭᠡᠳᠡᠭ ᠴᠢᠨᠢ ᠬᠠᠮᠢᠭᠠ ᠴᠤ ᠦᠷᠭᠡᠯᠡᠵᠦ ᠪᠤᠯᠤᠨᠠ᠂ | ᠬᠡᠷᠪᠡ ᠰᠠᠯᠬᠢᠨ ᠠᠮᠠ ᠳᠠᠭᠠᠷᠠᠪᠠᠯ᠂ ᠤᠨᠳᠠᠭᠠᠳ ᠪᠡᠶᠡ ᠶᠢᠨ ᠳᠤᠯᠠᠭᠠᠨ ᠪᠠᠭᠤᠷᠠᠭᠰᠠᠨ ᠳᠡᠭᠡᠷᠡ ᠰᠡᠯᠬᠢᠨ ᠳᠤ | ᠦᠯᠢᠶᠡᠯᠭᠡᠪᠡᠯ ᠠᠮᠠᠷᠬᠠᠨ ᠬᠢᠮᠦᠷᠠᠭᠠ ᠳᠤ ᠨᠡᠷᠪᠡᠭᠳᠡᠬᠦ ᠠᠶᠤᠯ ᠲᠠᠢ᠃ | ᠨᠠᠰᠤᠳᠠᠶᠢᠴᠤᠳ ᠤᠨ ᠨᠦᠢᠷ ᠬᠦᠷᠬᠦ ᠶᠢ ᠠᠷᠭᠠᠴᠠᠬᠤ ᠵᠦᠪ ᠠᠷᠭᠠ | ᠨᠠᠰᠤᠳᠠᠢ ᠭᠦᠮᠦᠨ ᠤ ᠡᠳᠦᠷ ᠢᠶᠠᠷ ᠨᠦᠢᠷ ᠬᠦᠷᠬᠦ ᠨᠢ ᠢᠯᠡᠭᠦᠦ ᠪᠤᠯᠬᠤ ᠪᠤᠶᠤ ᠪᠠᠶᠢᠨ ᠪᠠᠶᠢᠨ ᠦᠷᠭᠡᠯᠡᠭᠡᠳ | ᠪᠠᠶᠢᠪᠠᠯ᠂ ᠳᠦᠷ ᠳᠤᠭᠬᠢᠬᠤ ᠶᠢᠨ ᠳᠡᠭᠡᠷᠡ ᠦᠳᠡ ᠶᠢᠨ ᠨᠦᠢᠷ ᠠᠪᠬᠤ ᠠᠷᠭᠠ ᠪᠠᠷ ᠳᠠᠷᠢᠬᠢ ᠳᠤᠯᠤᠭᠠᠢ ᠪᠠᠨ | ᠰᠡᠷᠭᠦᠭᠡᠵᠦ ᠪᠤᠯᠤᠨᠠ᠃ ᠳᠤᠬᠬᠢᠬᠤ ᠴᠠᠭ ᠨᠢ ᠭᠡᠳᠦ ᠤᠷᠳᠤ ᠪᠠᠶᠢᠵᠤ ᠪᠤᠯᠬᠤ ᠦᠭᠡᠢ 10 — 20 ᠮᠢᠨᠦ᠋ᠲ ᠪᠤᠯ | ᠪᠤᠯᠴᠢᠬᠠᠨᠠ᠂ ᠳᠠᠷᠤᠢ ᠳᠠᠷᠢᠬᠢ ᠰᠡᠷᠭᠦᠵᠦ ᠳᠡᠶᠢᠯᠪᠡᠯ ᠪᠤᠯᠴᠢᠬᠠᠨᠠ᠃ | ᠨᠦᠢᠷ ᠬᠦᠷᠦᠭᠰᠡᠨ ᠴᠠᠭ ᠲᠠᠭᠠᠨ ᠬᠠᠨᠵᠤ ᠪᠤᠶᠤ ᠱᠠᠹᠠ ᠳᠡᠭᠡᠷᠡ ᠪᠠᠨ ᠳᠤᠬᠢᠯᠠᠵᠤ ᠬᠡᠪᠳᠡᠭᠡᠳ ᠳᠦᠷ | ᠳᠤᠬᠭᠢᠨᠠ᠃ ᠰᠡᠷᠢᠭᠡᠳ ᠴᠤ ᠤᠬᠯᠤ ᠦᠰᠦᠷᠦᠨ ᠪᠤᠰᠬᠤ ᠪᠤᠶᠤ ᠪᠡᠶᠡ ᠤᠷᠪᠠᠵᠤ ᠪᠤᠯᠬᠤ ᠦᠭᠡᠢ᠂ ᠭᠡᠰᠡᠭ | ᠳᠠᠶᠢᠪᠤᠩ ᠬᠡᠪᠳᠡᠭᠰᠡᠨ ᠢᠶᠠᠨ ᠳᠤᠯᠵᠤ ᠳᠦᠰᠢᠭᠦ ᠶᠠᠭᠤᠮᠠ ᠤᠯᠵᠤ ᠳᠦᠰᠢᠵᠦ ᠨᠠᠯᠠᠨ ᠳᠠᠶᠢᠪᠤᠩ ᠪᠤᠰᠪᠠᠯ ᠵᠤᠬᠢᠨᠠ᠃ | ᠦᠳᠡ ᠳᠡᠭᠡᠨ 1 ᠴᠠᠭ ᠬᠢᠷᠢᠳᠡᠢ ᠤᠨᠳᠠᠵᠤ ᠪᠤᠯᠤᠨᠠ᠃ ᠤᠨᠳᠠᠬᠤ ᠴᠠᠭ ᠨᠢ ᠳᠡᠩᠳᠡᠭᠦᠦ ᠤᠬᠤᠷ ᠪᠤᠯᠪᠠᠯ | ᠠᠮᠠᠷᠠᠵᠤ ᠳᠡᠶᠢᠯᠬᠦ ᠦᠭᠡᠢ᠂ ᠤᠷᠳᠤ ᠪᠤᠯᠪᠠᠯ ᠰᠦᠨᠢ ᠳᠡᠭᠡᠨ ᠤᠨᠳᠠᠵᠤ ᠳᠡᠶᠢᠯᠬᠦ ᠦᠭᠡᠢ ᠪᠤᠯᠤᠨᠠ᠃ | ᠳᠠᠭᠠᠳᠠᠢ ᠤᠨᠳᠠᠬᠤ ᠨᠢ ᠨᠠᠰᠤᠳᠠᠢ ᠬᠦᠮᠦᠨ ᠳᠤ ᠳᠤᠩ ᠴᠢᠬᠤᠯᠠ | ᠹᠢᠽᠢᠦᠯᠤᠬᠢ ᠶᠢᠨ ᠰᠢᠯᠳᠠᠭᠠᠨ᠂ ᠤᠵᠢᠬ ᠡᠪᠡᠳᠴᠢᠨ ᠤ ᠤᠷᠰᠢᠬ᠂ ᠰᠦᠨᠢ ᠪᠤᠰᠴᠤ ᠭᠠᠳᠠᠭᠠᠯᠠᠬᠤ | ᠵᠡᠷᠭᠡ ᠠᠴᠠ ᠪᠤᠯᠵᠤ ᠨᠠᠰᠤᠳᠠᠶᠢᠴᠤᠳ ᠰᠦᠨᠢ ᠨᠢ ᠰᠠᠶᠢᠨ ᠤᠨᠳᠠᠵᠤ ᠳᠡᠶᠢᠯᠬᠦ ᠦᠭᠡᠢ᠂ ᠡᠳᠦᠷ ᠨᠢ ᠨᠦᠢᠷ ᠬᠦᠷᠬᠦ | ᠪᠠᠶᠢᠳᠠᠯ ᠲᠠᠢ ᠪᠠᠶᠢᠳᠠᠭ᠃ ᠶᠠᠭᠠᠬᠢᠪᠠᠯ ᠰᠠᠶᠢᠨ ᠤᠨᠳᠠᠵᠤ ᠳᠡᠶᠢᠯᠦᠨᠠ ᠪᠤᠢ︖ | ᠤᠷᠤᠢ ᠳᠠᠭᠠᠨ 22 ᠴᠠᠭ ᠠᠴᠠ ᠡᠮᠦᠨᠠ ᠤᠨᠳᠠᠵᠤ᠂ 7 ᠴᠠᠭ ᠤᠷᠴᠢᠮ ᠤᠨᠳᠠᠬᠤ ᠶᠢ ᠪᠠᠳᠤᠯᠠᠪᠠᠯ ᠰᠠᠶᠢᠨ | ᠭᠡᠵᠦ ᠨᠠᠰᠤᠳᠠᠶᠢᠴᠤᠳ ᠲᠤ ᠰᠠᠨᠠᠭᠤᠯᠤᠶᠠ᠃ | ᠡᠳᠦᠷ ᠨᠠᠷᠠᠨ ᠳᠤ ᠢᠯᠡᠭᠦᠦ ᠡᠭᠡᠭᠡᠷᠡᠢ᠃ ᠡᠳᠦᠷ ᠨᠠᠷᠠᠨ ᠳᠤ ᠰᠠᠶᠢᠨ ᠡᠭᠡᠭᠡᠪᠡᠯ ᠤᠨᠳᠠᠯᠭᠠ ᠳᠤ ᠰᠠᠭᠠᠳ | ᠤᠴᠠᠷᠠᠬᠤ ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠢ ᠡᠮᠨᠡᠵᠦ ᠳᠡᠶᠢᠯᠦᠨᠠ ᠭᠡᠵᠦ ᠰᠤᠳᠤᠯᠭᠠᠨ ᠳᠤ ᠭᠡᠷᠡᠴᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠳᠡᠶᠢᠮᠦ ᠠᠴᠠ ᠨᠠᠰᠤᠳᠠᠶᠢᠴᠤᠳ ᠡᠳᠦᠷ ᠲᠤ 2 ᠴᠠᠭ ᠤᠷᠴᠢᠮ ᠨᠠᠷᠠᠨ ᠳᠤ ᠡᠭᠡᠭᠡᠵᠦ᠂ ᠭᠠᠳᠠᠨᠠ ᠭᠠᠷᠬᠤ ᠪᠤᠯᠤᠮᠵᠢ | ᠦᠭᠡᠢ ᠴᠤ ᠭᠡᠰᠡᠨ ᠭᠡᠷ ᠢᠶᠠᠨ ᠭᠡᠷᠡᠯ ᠭᠡᠭᠡ ᠰᠠᠶᠢᠳᠠᠢ ᠪᠠᠶᠢᠯᠭᠠᠪᠠᠯ ᠵᠤᠬᠢᠨᠠ ᠭᠡᠳᠡᠭ ᠰᠠᠨᠠᠭᠤᠯᠭᠠ ᠦᠭᠭᠦᠶᠠ᠃ | ᠬᠦᠳᠡᠯᠭᠡᠭᠡᠨ ᠬᠢᠬᠦ ᠶᠢ ᠪᠠᠷᠢᠮᠳᠠᠯᠠᠪᠠᠯ ᠰᠠᠶᠢᠨ᠃ ᠭᠠᠷᠠᠭ ᠲᠤ 4 ᠤᠳᠠᠭᠠ ᠭᠠᠳᠠᠨᠠ ᠭᠠᠷᠴᠤ᠂ ᠰᠡᠯᠡᠭᠦᠴᠡᠨ | ᠠᠯᠬᠤᠬᠤ ᠵᠡᠷᠭᠡ ᠶᠢᠨ ᠬᠦᠩᠭᠡᠨ ᠬᠦᠳᠡᠯᠭᠡᠭᠡᠨ ᠬᠢᠪᠡᠯ ᠵᠤᠬᠢᠨᠠ᠃ | ᠤᠷᠤᠨ ᠳᠠᠭᠠᠨ ᠤᠷᠤᠭᠠᠳ ᠨᠤᠮ ᠤᠩᠰᠢᠵᠤ ᠲᠧᠯᠧᠶᠢᠰ ᠦᠵᠡᠵᠦ ᠪᠤᠯᠬᠤ ᠦᠭᠡᠢ᠃ | ᠨᠦᠢᠷ ᠬᠦᠷᠦᠭᠡᠳ ᠤᠨᠳᠠᠮᠠᠷ ᠪᠤᠯᠪᠠᠯ ᠤᠷᠤᠨ ᠳᠠᠭᠠᠨ ᠤᠷᠤ᠂ ᠤᠷᠤᠨ ᠳᠠᠭᠠᠨ ᠤᠷᠤᠭᠠᠳ 20 ᠮᠢᠨᠦ᠋ᠲ | ᠪᠤᠯᠤᠭᠰᠠᠨ ᠪᠠᠶᠢᠳᠠᠯᠠ ᠪᠠᠰᠠ ᠤᠨᠳᠠᠵᠤ ᠳᠡᠶᠢᠯᠦᠭᠰᠡᠨ ᠦᠭᠡᠢ ᠪᠠᠶᠢᠪᠠᠯ ᠪᠤᠰᠴᠤ ᠵᠠᠯᠬᠠᠭᠤ ᠬᠦᠷᠦᠮᠡᠷ ᠠᠵᠢᠯ ᠭᠢᠵᠦ | ᠨᠦᠢᠷ ᠬᠦᠷᠪᠠᠯ ᠤᠷᠤᠨ ᠳᠠᠭᠠᠨ ᠤᠷᠤᠭᠠᠷᠠᠢ᠃ | | ᠨᠠᠶᠢᠷᠠᠭᠤᠯᠤᠭᠴᠢ᠄ ᠰᠠᠴᠣᠷᠠ | |